Chelsea yatajiwa bei ya Lewandowski

Chelsea inatajwa kumfukuzia nyota wa klabu ya Bayern Munich, Robert Lewandowski ambaye amekua akihusishwa kuachana na klabu hiyo inayoshiriki ligi kuu nchini Ujerumani maarufu kama Bundesliga.

Mwanzoni ilitolewa taarifa kuwa klabu hiyo haipo tayari kuachana na mshambuliaji wake huyo raia wa Poland kabla ya hii leo kutoka taarifa mpya iliyotolewa na gazeti la nchini Ufaransa, L'Equipe ambalo linadai klabu hiyo ipo tayari kuachana na mshambuliaji wake huyo mwenye miaka 29 kwa sasa.

Chelsea na klabu nyengine kama PSG ya nchini Ufaransa ambazo zote zinahitaji huduma ya nyota huyo zitalazimika kutoa dau litakaloanzia  euro milioni 100 ambalo ndilo dau lililotangazwa na klabu hiyo kuwa tayari kumuuza.