Conte atoa neno kuelekea Chelsea vs West Ham

Chelsea itacheza dhidi ya West Ham jioni ya leo, mchezo wake wa 32 wa ligi kuu Uingereza. Lakini wakati Chelsea itakapokua uwanjani kucheza mchezo huo utakuwa mchezo wa kulipiza kisasi kwa Chelsea ambapo mchezo wa kwanza tulipoteza dhidi ya klabu hiyo ya jijini London.

"Nakumbuka vyema sana. Ulikuwa ni mchezo mbaya kupoteza, tulicheza vibaya. Msimu huu tumecheza michezo mingi na kupoteza"

"Tulipocheza dhidi ya West Ham walikuwa hawapo kwenye nafasi nzuri kwenye msimamo wa ligi kuu. Ilikuwa kama tulivyocheza dhidi ya Crystal Palace"

"Tunapoiongelea West Ham, basi tunaiongelea timu nzuri. Sijui kwanini wanakuwa kwenye nafasi waliyopo kwenye msimamo wa ligi kuu. Wanapambana kutokushuka daraja. Inatakiwa tujiandae vizuri na tujiandae kupambana dhidi yao" alisema kocha huyo.

Kama Chelsea itafanikiwa kupata ushindi kwenye mchezo wa leo basi itafikisha alama 59 huku ikiendelea kusalia kwenye nafasi ya tano.