Hazard asema hana furaha na kinachoendelea Chelsea

Nyota wa Chelsea, Eden Hazard haonekani kuwa hatari kwa sasa, haonekani kuwa na madhara makubwa kwa wapinzani katika michezo kadhaa iliyopita huku takwimu zikisema katika michezo sita iliyopita hajafanikiwa kufunga wala kutengeneza goli lolote huku Chelsea ikishinda michezo mitatu tu kati ya 11 ya ligi kuu Uingereza ambapo mpaka sasa Chelsea inashika nafasi ya tano kwenye msimamo huo wa ligi kuu huku ikiachwa alama kumi na Tottenham inayoshika nafasi ya nne kwenye msimamo huo.

Mara baada ya kushuka kiwango cha nyota huyo, amefanyiwa mahojiano na kuulizwa juu ya nini anakifikiria juu ya takwimu zake hizo ambazo hazionekani kuwa sawa.

"Kiukweli sipendi. Sitazamii takwimu, muhimu kama mchezaji natazamia kucheza nikiwa nafurahia kucheza, na ili kufurahi basi timu ipate ushindi"

"Kama nikipata nafasi ya kufunga, basi nitafunga lakini pia kama nikipata nafasi ya kutoa pasi ya mwisho, basi nitatoa lakini kubwa na muhimu ni timu yangu kuondoka na ushindi. Itakuwa haina maana nikafunga au kutoa pasi ya mwisho kama timu haijaondoka na ushindi. Ni heri mi nicheze ovyo na nivurunde ila timu ipate ushindi" alisema winga huyo mwenye miaka 27 kwa sasa.