Richarlison mguu nje, mguu ndani kutua Chelsea

Klabu ya Chelsea inapewa nafasi kubwa ya kumnasa mshambuliaji na winga wa klabu ya Watford, Richarlison anayetajwa kuwa na thamani ya paundi milioni 40.

Chelsea inatajwa kukaribia kumnasa nyota huyo raia wa Brazil aliyejiunga na klabu hiyo yenye makazi yake pale Vicarage Road ambayo alijiunga nayo mwaka jana kwa dau la paundi milioni 11 ambapo mpaka sasa ameshaichezea klabu hiyo michezo 33 huku akiifungia magoli matano na kutengeneza nafasi kibao za magoli amekuwa akitajwa kutakiwa na Chelsea hata kabla hajatua ligi kuu Uingereza, alipokuwa kwenye klabu ya Fluminense ya huko nchini Brazil lakini Watford ilionekana kuwa na ushawishi mkubwa na kufanikiwa kumnasa nyota huyo.

Chelsea inatajwa kuipiku klabu ya Manchester united ambao nao walikuwa wakitajwa kumtaka nyota huyo.

Nyota huyo amewai kukaririwa mara kadhaa akikiri kuwa karibu na nyota wa Chelsea, David Luiz na Willian ambao ni wabrazil wenzake ambapo wachezaji hao wanaweza kutumika kwa karibu kumvuta nyota huyo aweze kutua Chelsea kutokana na ukaribu uliopo kati yao.