Tuchel aipiga chini Chelsea, ajiunga na PSG

Aliyekuwa kocha wa klabu ya Borrusia Dortmund, Thomas Tuchel ambaye kwa sasa hana timu anayoifundisha ambaye amekua akihusishwa kutakiwa na Chelsea kama mrithi wa kocha Antonio Conte klabuni hapo ambaye amekuwa akitajwa kuondoka anatajwa kukubaliana na klabu ya PSG na tayari ameshasaini mkataba wa kuitumikia klabu hiyo.

Kupitia mtandao wa Twitter kuna taarifa zilizovumishwa na mwandishi mmoja akiripoti kuwa kocha huyo aliyekuwa akitazamiwa na Chelsea kuja kuwa kocha wa klabu hiyo amesaini mkataba wa miaka miwili na klabu ya PSG inayoshiriki ligi kuu nchini Ufaransa.

Taarifa zinadai kocha huyo alishakubaliana mahitaji binafsi ya kuwa kocha wa klabu hiyo na sasa anatajwa kusaini mkataba huo wa miaka miwili na kuiacha Chelsea ambayo italazimika kutafuta mbadala wa kocha mwengine na kuondoa jina la kocha huyo kwenye makocha inaowataka kama itaamua kuachana na kocha wake wa sasa, Antonio Conte.