Chelsea kucheza dhidi ya Inter kabla ya fainali ya FA

Huu unaitwa mchezo maalumu kwa wakongwe ambapo tarehe 18-May mwaka huu kutachezwa mchezo maalumu kwa wachezaji wa zamani wa Chelsea waliojipachika jina la Chelsea Legends ambapo watacheza dhidi ya wakongwe au wachezaji wa zamani wa klabu ya nchini Italia, Inter Milan lakini hapa watakua wanatumia jina la Inter Forever.

Kikosi cha wakongwe wa Chelsea au Chelsea Ladies watakua na nyota kadhaa kama Dennis Wise, Michael Ballack, Gianfranco Zola na Eidur Gudjohnsen ambao watacheza dhidi ya Inter Forever itakayoongozwa na nyota wake Javier Zanetti.

Mchezo huo umetengwa kwa ajili ya kumbukumbu ya Chelsea ilipotangazwa kuwa bingwa wa kombe la UEFA (UEFA Super Cup) ilipoifunga Real Madrid kwa goli 1-0 miaka 20 iliyopita lakini pia ukiwa mchezo maalumu wa kutoa heshima muhimu kwa gwiji wa Chelsea aliyewai kuwa mchezaji na kocha msaidizi Ray Wilkins aliyefariki mwaka huu.

Kuelekea kwenye mchezo huo nitakua nakuletea taarifa mbalimbali maalumu zitakazokua zinauhusu mchezo huo utakaochezwa siku moja kabla ya Chelsea FC kucheza mchezo wa fainali ya kombe la FA dhidi ya Manchester united lakini pia itakua siku moja kabla ya ile kampeni ya uchangiaji damu kwa hiyari iliyochini ya blog hii ya Darajani 1905 kuweza kukamilika.