Chelsea yajitosa kumsaka nyota wa Barcelona

Klabu ya Chelsea inatajwa kuingia sokoni kusaka saini ya mchezaji anayecheza nafasi ya ulinzi ili kujiweka sawa kwenye safu yake ya ulinzi kabla ya kuanza kwa msimu mpya ambao Chelsea itakuwa ikishiriki michuano ya ligi ya Ulaya (Europa League).

Gazeti moja la nchini Hispania kwenye kitongoji cha Cataluna kunapopatikana klabu ya Barcelona limeripoti Chelsea inapambana dhidi ya Man utd ili kusaka saini ya nyota wa Barcelona, Jordi Alba.

Chelsea inatajwa kumfukuzia nyota huyo ambaye amechaguliwa kwenye kikosi cha timu ya taifa ya Hispania katika kucheza michuano ya kombe la dunia itakayofanyika nchini Urusi mwezi Juni mwaka huu amebakiza mkataba wa miaka miwili kama mchezaji wa klabu hiyo huku akiwa mlinzi aliyehusika kwenye magoli mengi kwenye ligi kuu nchini Hispania ambayo klabu yake inashiriki.

Magoli yake mawili na magoli mengine nane yanamfanya kuwa mlinzi aliyehusika kwenye magoli 10 na kuzifanya klabu kadhaa barani Ulaya kutamani huduma yake.