Chukua hii; Je wajua Kante anashikilia ubingwa mwengine klabuni Chelsea?

Alisajiliwa na Chelsea akitokea Leicester city ambapo huko aliiongoza klabu hiyo iliyokua chini ya kocha Claudio Ranieri kushinda taji lake la kwanza la ligi kuu kwa klabu hiyo lakini pia aliuendeleza moto mpaka alipofika klabuni Chelsea ambapo kwenye msimu wake wa kwanza aliiongoza klabu hiyo kushinda taji la ligi kuu lakini mwenyewe akichaguliwa kuwa mchezaji bora wa ligi hiyo ya Uingereza.

Katika msimu huu uliomalizika kwa Chelsea kushinda taji la kombe la FA mara baada ya kuibamiza Man utd kwenye fainali ya michuano hiyo, nyota huyo alishinda tunzo nyengine klabuni Chelsea akishinda kama mchezaji bora wa mwaka. Lakini je unaijua na hii kumhusu N'Golo Kante klabuni Chelsea?

Je wajua Kante ndiye bingwa wa mchezo wa 'pooltable' pale klabuni Chelsea? akiwa bingwa wa mchezo huo akiwashinda nyota wengine klabuni hapo katika mchezo huo.

Sasa ndio ujue kuanzia leo kwamba ubora wa Kante sio kwenye kukaba na kukata umeme tu akiwa uwanjani, lakini pia hata kwenye mchezo huo hakamatiki.