Man city yajidhatiti kumnasa nyota anayefukuziwa na Chelsea

Chelsea imekua ikitajwa kumfukuzia kiungo na nyota raia wa Italia mwenye asili ya nchini Brazil, Jorginho mwenye miaka 26 kwa sasa lakini mpango huo unaweza kuharibika mara baada ya Man city kufikia dau linalotakiwa ili kumnasa kiungo huyo.

Man city iliyochini ya kocha Pep Guardiola inatajwa kukubali kutoa kiasi cha paundi milioni 43 ili kumnasa nyota huyo ambapo hii ni taarifa mbaya kwa klabu ya Chelsea pamoja na Arsenal ambazo zote zinatajwa kumfukuzia nyota huyo.

Nafasi pekee kwa Chelsea kuweza kupindua ripoti hiyo na kuweza kuipiga bao klabu ya Man city na kumnasa kiungo huyo basi ni kukamilisha usajili wa kocha Maurizio Sarri ambaye amemfundisha Jorginho kwenye klabu ya Napoli na kutokana na ukaribu wa kocha huyo kwa wachezaji anaowafundisha unatajwa kuwa kivutio kwa wachezaji wengi haswa Jorginho.