John Terry atuma ujumbe mzito akiachana na Aston Villa

Nyota wa zamani wa Chelsea, John Terry ambaye kwa msimu huu ameiongoza klabu ya Aston Villa iliyokua chini ya kocha Steve Bruce, klabu ambayo aliungana nayo kwa mkataba wa mwaka mmoja ambapo mkataba huo ilikua unakaribia kuongezwa endapo angeisaidia klabu hiyo kurejea kucheza ligi kuu Uingereza ikitokea kwenye ligi daraja la kwanza nchini humo maarufu kana Championship. Lakini ikashindwa kutimiza lengo hilo mara baada ya kumaliza nafasi ya nne huku kwenye fainali ya kuamua wa kupanda ni nani wakipoteza mbele ya Fulham kwa goli 1-0.

Nyota huyo raia wa Uingereza alitumia mtandao wa Instagram kutuma ujumbe wa kuwaaga mashabiki na klabu ya Aston Villa ambayo anaachana nayo mara baada ya kumalizika kwa mkataba wake.

"Siku ya leo naachana rasmi na Aston Villa. Najivunia kupata nafasu kucheza na kupewa unahodha katika klabu kubwa kama hii"

"Nimejitoa na kupambana ndani na nje ya uwanja na bado nina majonzi npaka leo hii kwa kushindwa kuirejesha Aston Villa kwenye ligi kuu mahali ambapo kwa 100% inastahili kuwepo"

"Napenda kumshukuru Steve Bruce ambaye amekua moja ya sababu zilizonifanya nijiunge na Aston Villa, nimejifunza mengi kutoka kwake kama kocha kwa msimu mzima ambayo yataendelea kuishi nami milele. Napenda kuwashukuru wote viongozi pamoja na wachezaji pamoja na mmiliki wa klabu, Dr. Tony ambaye ilikuwa ni jambo zuri na la kujivunia kufanya nae kazi kwa wakati wote💜⚽️

Mwisho napenda kuwapa asante maalumu kwa mashabiki na wapenzi wote wa Aston Villa ambao mmekuwa mkituonyesha mnatujali tukiwa nyumbani au ugenini na mkanisaidia pia hata mimi katika yote yaliyotokea. Aston Villa itabaki kuwa na nafasi pekee kwenye moyo wangu na nitakumbuka vipindi vyote nilivyovipitia nikiwa hapa na ninathanini kwa kiasi gani mmekuwa karibu pamoja nasi katika kuyafikia malengo. Ila kwa sasa naangalia mbele ingawa nataka kuwatakia heri njema kwa viongozi, wachezaji pamoja na mashabiki"
@avfcofficial 💜

Nyota huyo alijiunga na Aston Villa katika dirisha kubwa lililopita akitokea Chelsea kwa lengo la kutotaka kuungana na klabu ya ligi kuu ili kutocheza dhidi ya Chelsea ambayo ni klabu aliyoichezea kwa miaka 22.