Mourinho apambana na Chelsea ili kumgombania nyota wa West Ham

Kocha wa zamani wa Chelsea ambaye kwa sasa anaifundisha klabu ya Manchester united, Jose Mourinho ameingia kwenye vita na klabu yake hiyo ya zamani ambapo anatajwa kupambania saini ya mshambuliaji na nyota wa klabu ya West Ham, Marko Arnautovic.

Chelsea inatajwa kumfukuzia mshambuliaji huyo mwenye miaka 29 ameichezea West Ham michezo 38 huku akiifungia magoli 14 na kutengeneza mengine 6 anatajwa kuziingiza vitani klabu za Chelsea pamoja na Man utd ambazo zote zinatamani huduma ya mshambuliaji huyo.

Chelsea inaweza kuachana na mshambuliaji wake, Alvaro Morata ambaye anatajwa kutakiwa na klabu mbalimbali ikiwemo klabu yake ya zamani, klabu ya Juventus ambapo kama akiondoka basi Chelsea italazimisha kumtafuta mshambuliaji ili ijiweke sawa.