Chelsea yaachana na Sarri, yatua kwa kocha wa PSG

Klabu ya Chelsea inatajwa kutokua tayari kutoa euro milioni 8 ili kumsajili kocha wa zamani wa klabu ya Napoli, Maurizio Sarri, dau ambalo lipo kwenye mkataba wa kocha huyo na klabu yake hiyo ambayo ana mkataba nayo mpaka mwaka 2020. Sarri amekuwa akitajwa kwa karibu kutua Chelsea lakini dau hilo halionekani kuwavutia Chelsea ambayo ipo tayari kutoa kiasi cha euro milioni 4 ili kumnasa kocha huyo, dau linalotajwa kutoivutia klabu ya Napoli.

Sasa Chelsea inatajwa kumfukuzia kocha wa zamani wa klabu ya PSG ya nchini Ufaransa, Laurent Blanc.

Blanc ambaye kwa sasa hana klabu anayoifundisha huku akiwa na miaka 52 kwa sasa anatajwa kuongoza kwenye orodha ya makocha wanaotakiwa na Chelsea ili kuirithi nafasi ya kocha wa sasa wa klabu hiyo, Antonio Conte ambaye anatajwa kuondoka klabuni hapo.