Chelsea yaendelea kumfukuzia Lewandowski

Chelsea inatajwa kumfukuzia nyota na mshambuliaji wa klabu ya Bayern Munich, Robert Lewandowski ambaye anatajwa kutaka kuondoka klabuni hapo ambayo alijiunga nayo na kuisaidia kushinda taji la ligi kuu Ujerumani kwa mara nne mfululizo.

Chelsea inatajwa kumfukuzia nyota huyo huku ikitazamia kuachana na nyota wake, Alvaro Morata ambaye anatakiwa na klabu kadhaa barani Ulaya zikiwemo klabu ya Atletico Madrid na AC Milan ya nchini Italia.

Lewandowski anatajwa pia kufukuziwa na klabu ya Real Madrid ya nchini Hispania ambao ni mabingwa mara tatu mfululizo wa taji la klabu bingwa barani Ulaya lakini pia klabu ya Juventus ya nchini Italia inatajwa kumfukuzia nyota huyo mwenye miaka 29.