Mashabiki wa Chelsea wampagawisha Kante

Nyota wa klabu ya Chelsea, N'Golo Kante ambaye amesafiri rasmi na kikosi cha timu ya taifa ya Ufaransa mpaka nchini Urusi ili kushiriki michuano ya kombe la dunia itakayoanza wiki hii amepagawishwa na jinsi mashabiki wa Chelsea walivyothamini mchango wake na kumpigia kura kuwa mchezaji bora wa mwaka klabuni Chelsea.

Nyota huyo alishinda tunzo hiyo ambayo hutolewa kwa mshindi anayeshinda kwa kupigwa kura kupitia tovuti ya Chelsea na nyota huyo akachaguliwa kuwa mshindi.

"Kuchaguliwa kuwa bora na wakati haujafunga magoli mengi ni jambo linaloonyesha kwa kiasi gani mashabiki wanajali kile unachokifanya uwanjani" alisema kiungo huyo.

Kiungo huyo ataiongoza Ufaransa akiwa kama kiungo mkabaji na tangu ametua Chelsea amekuwa akitajwa kuwa bora huku akitengeneza na kuimarisha vyema safu ya kiungo pamoja na ya ulinzi ya Chelsea ambayo ilimnasa akitokea Leicester city.