Msikie Antonio Conte alichowaambia marafiki zake kuhusu kibarua chake klabuni Chelsea

Kocha wa Chelsea, Antonio Conte anatajwa na vyombo vingi vya habari kutakiwa kuondoka klabuni hapo huku akisakwa kocha mpya wa kurithi mikoba klabuni hapo lakini hilo halionekani kuwa kichwani mwake mara baada ya kuwaambia marafiki zake wakati huu akiwa mapumzikoni kwamba anajiandaa kurejea klabuni ili kujiandaa na michezo ya kirafiki ambayo klabu hiyo itashiriki kuanzia mchezo wa tarehe 23-Julai wakati Chelsea itakaposafiri kumenyana na Perthy Glory huko nchini Australia.

Vyanzo vya habari vinadai kocha huyo aliyebakiza mkataba wa mwaka mmoja katika mkataba wake na Chelsea anajiandaa kurejea Chelsea ili kumalizia mkataba huo wa mwaka mmoja ambao alisaini mara baada ya kuiongoza klabu hiyo kushinda taji la  ligi kuu Uingereza.

Chelsea inatajwa kusaka kocha mpya kwa sasa ambapo makocha wanaotajwa kwa kiasi kikubwa ni wawili ambao ni kocha wa Napoli ya Italia, Maurizio Sarri pamoja na kocha wa zamani wa PSG pamoja na timu ya taifa ya Ufaransa, Laurent Blanc.

Lakini kama Chelsea ikitaka kuachana na Conte basi italazimika pia kumlipa paundi milioni 9 kocha huyo kama ada ya kuvunja mkataba wake.