Willian kuondoka Chelsea?

Nyota wa Chelsea, Willian Borges anatajwa na vyombo vingi vya habari za michezo barani Ulaya kwamba hana mahusiano mazuri na kocha wa klabu ya Chelsea, muitaliano Antonio Conte. Inadhaniwa pia kwamba nyota huyo atataka kubaki Chelsea endapo klabu hiyo itaachana na kocha huyo aliyebakiza mwaka mmoja kwenye mkataba wake klabuni Chelsea.

Nyota huyo ameanza kuhusishwa kutakiwa na klabu ya Manchester united inayofundishwa na kocha wa zamani wa Chelsea, Jose Mourinho ambaye anatajwa kuvutiwa na uwezo wa winga huyo raia wa Brazil.

Taarifa zinachochea usajili huo ambapo inadaiwa klabu hiyo ya Manchester united inakaribia kumnasa nyota huyo huku kukizaniwa Chelsea itatumia nafasi hiyo kushinikiza kufanyike mabadilishano ambapo nyota wa Manchester united, Anthony Martial ambaye amekataa kusaini mkataba mpya klabuni hapo.