CHELSEA YAANZA MAZUNGUMZO YA KUMNASA CARROLL

Klabu ya Chelsea inatajwa kuanza mazungumzo na klabu ya West Ham ili kumnasa nyota wa klabu hiyo, Andy Carroll mwenye miaka 29 kwa sasa huku akisumbuliwa na majeruhi ya mara kwa mara.

Chelsea ilitaka kumnasa mchezaji huyo raia wa Uingereza kwa mkopo mpaka mwisho wa msimu lakini klabu ya West Ham imegoma kumtoa kwa mkopo na sasa Chelsea inataka kumchukua mchezaji huyo kwa usajili wa jumla huku ikitajwa kuigharimu Chelsea paundi milioni 20 ili kumpata nyota huyo.

West Ham inatajwa kuanza mazungumzo na Chelsea ambapo wenyewe wapo tayari kumuuza nyota huyo kwa dau hilo wakati walimpata kwa kiasi cha paundi milioni 18, huku Chelsea ikiwa tayari kumuuza ama kumtoa kwa mkopo Michy Batshuayi ambaye anawaniwa na vilabu vya Borrusia Dortmund na Sevilla.