EMERSON MUDA WOWOTE KUTUA CHELSEA

Nyota wa Italia ambaye ana asili ya Brazil, Emerson Palmieri ana karibia kutua Chelsea na huenda akatangazwa rasmi kuwa mchezaji wa Chelsea ndani ya masaa 48 kuanzia sasa, nyota huyo anayecheza kama mlinzi wa kushoto anatokea klabuni As Roma ambapo alitoka pia Antonio Rudiger na kuna taarifa zinasema kutua kwa mchezaji huyo kunaweza kumfanya Kennedy akaondoka Chelsea kwa mkopo.

Taarifa zilizopo ni kuwa Chelsea imekubali kutoa kiasi cha paundi milioni 20 ili kumvuta nyota huyo ambaye ataweza kuwa mbadala sahihi kwa nyota Marcos Alonso ambaye inaaminika amekuwa akicheza bila kupatikana mbadala wake.

Umri wake kwa sasa ni miaka 23. Na ana uwezo mkubwa pia kucheza kama winga wa kushoto, kiungo wa kati pamoja na mlinzi wa kulia.