KAMA SIO CARROLL, BASI BENTEKE KUTUA CHELSEA

Chelsea imehusishwa tena na mpango wake wa kutafuta mshambuliaji atakayeweza kutumainiwa kama mmaliziaji na mfungaji akikaa pale kama mshambuliaji wa kati, na sasa inatajwa kuwa na mzungumzo na klabu ya West Ham ili kumsajili nyota wake, Andy Carroll ambapo Chelsea inatajwa kuwa tayari kutoa kiasi cha paundi milioni 20.

Lakini kama usajili wa nyota huyo ukishindikana na kwenda ovyo, basi Chelsea imepanga kumchukua mshambuliaji raia wa Ubelgiji anayeichezea klabu ya Crystal Palace, Christian Benteke.

Christian Benteke mwenye miaka 28 kwa sasa anatajwa kuwa mbadala wa Andy Carroll kama usajili huo ukishindikana huku kukiwa na taarifa kuwa Andy Carroll ataruhusiwa kuondoka klabuni West Ham pale tu Chelsea itakapokubali kumruhusu Batshuayi akajiunge na wagonga nyundo hao wa London.