MOYES AMTAKA BATSHUAYI ILI AMWACHIE CARROLL

Katika mchezo wa jana wa kombe la FA kwa hatua ya tatu ambapo Chelsea iliibamiza Norwich kwa matuta 5-3 mara baada ya kutoka suluhu katika muda wa kawaida na dakika za nyongeza, alikuwepo David Moyes ambaye ni kocha wa West Ham united, sababu kubwa inayoelezwa kwa kocha huyo kufika katika mchezo huo ni ili kumwangalia mshambuliaji wa Chelsea, Michy Batshuayi ambaye alikuwa akiiongoza Chelsea katika mchezo huo huku akifunga goli la Chelsea.

Chelsea inamtaka mshambuliaji wa klabu anayofundisha kocha huyo anayeitwa Andy Carroll na ipo kwenye mazungumzo na klabu hiyo ili kuipatia paundi milioni 20 ili kumsajili mshambuliaji huyo aliyebakiza miezi 18 katika mkataba wake klabuni hapo na inaelezwa klabu hiyo itataka kumchukua na Batshuayi kama thamani ya muingereza huyo mwenye miaka 29.

Kwa taarifa zilizopo ni kwamba, David Moyes anataka Chelsea impe Michy Batshuayi mwenye miaka 24 pamoja na fungu la paundi milioni 20 ili imuachie Carroll ajiunge na Chelsea.