CHELSEA YATENGA DAU NONO KWA ASENSIO

Chelsea inatajwa kuvutiwa na kinda na nyota wa klabu ya Real Madrid ya nchini Hispania, Marco Asensio mwenye miaka 22 kwa sasa.

Nyota huyo anatajwa kuwepo kwenye mipango ya Chelsea ili asajiliwe katika dirisha la usajili linalofata ambapo Chelsea inatajwa kuwa tayari kulipa kiasi cha paundi milioni 119 ili kumnasa nyota huyo anayeonekana kutoyafurahia tena maisha ya klabu yake hiyo licha ya kuanza msimu akifanya nayo vyema mpaka kuwa gumzo kwa watu.

Nyota huyo inadaiwa aliwaambia maboss wa Real Madrid kuwa atajiunga na Chelsea kama mabadilishano endapo klabu yake itakubali kumtumia ili kumnasa Eden Hazard kutoka Chelsea lakini taarifa zilizotoka zinadai kuwa Chelsea itamsajili nyota huyo hata kama hakutokuwa na mabadilishano.

Mmiliki wa Chelsea, Roman Abramovich anatajwa kuvutiwa na nyota huyo na inatajwa kuwa yupo tayari kulipa dau hilo la paundi milioni 119 ili kumnasa.