EMERSON KUTUA CHELSEA NI USAJILI BORA KUWAI KUTOKEA

Ingawa bado hajaichezea Chelsea mchezo wowote mpaka sasa, mlinzi wa kushoto wa klabu ya Chelsea, Emerson Palmieri anatajwa kuwa chaguo sahihi zaidi kwa Chelsea na ni moja kati ya sajili bora kuwai kufanyika katika dirisha la usajili lililopita, la mwezi januari ambapo nyota huyo alitua klabuni Chelsea akitokea klabu ya nchini Italia, As Roma.

Moja ya mawakala wanaoheshimika nchini Italia, Federico Pastorello ambaye pia anatajwa kuwa na urafiki mkubwa na kocha wa Chelsea, Antonio Conte amesema usajili wa mlinzi huyo raia wa Italia mwenye asili ya nchini Brazil ni moja kati ya sajili bora kuwai kufanyika, "Usajili bora mpaka sasa ni wa Emerson Palmieri kutua Chelsea. Sisemi ni bora kwa kuwa nimeusika, ila ni bora kutokana na uwezo wa nyota huyo kuwa mkubwa na atafanya makubwa akiwa pale"

Emerson alikamilisha usajili wa kutua Chelsea siku ya mwisho ya kufungwa kwa dirisha la usajili la mwezi Januari, na mpaka sasa amehusika kwenye mchezo mmoja dhidi ya watford ambao aliishia kuwa mchezaji wa akiba kutokana na kutoka kwenye majeruhi makubwa yaliyomfanya kukaa ne karibu msimu mzima na kucheza mchezo mmoja tu huko alipokuwa, nchini Italia.

Lakini pia wakala huyo aliulizwa juu ya sababu ya usajili wa Edin Dzeko kutua Chelsea, nini kilishindikana, naye akasema "Dzeko alishasema toka mwanzo kuwa anataka kubaki Roma, pesa kwake sio tatizo na haziwezi kumfanya atue Chelsea"