ULIFANYA NINI FAINALI YA UEFA 2012? EMBU MWANGALIE HUYU ALICHOKIFANYA

Hahahaaaaa, hakuna shabiki wa Chelsea asiyeikumbuka hii siku, labda awe amezaliwa juzijuzi, lakini shabiki wa kweli hii siku alikuwa na furaha ya ajabu. Penati ya mwisho ya Didier Drogba ilitufuta machozi na aibu tuliyokuwa nayo kwa miaka mingi. Ni siku ya furaha kwa kila shabiki, na kuna wengine tuliiweka kama siku ya kumbukumbu maana hakuna hata mtu aliyeamini tungeweza kufanya lile tulilolifanya.

Kutimuliwa kwa Andre Villas Boas ambaye alipoteza dhidi ya Napoli katika hatua ya kwanza ya hatua ya 16-bora ikatufanya wengi waamini kuwa tayari tushatoka na hatuna matumaini haswa timu alipokabidhiwa yule jamaa kutoka nchini Italia, aliyewai kucheza Chelsea ingawa sio kwa ukubwa wa kumfanya heshimike sana kama ilivyo kwa wakongwe wengine, Roberto di Matteo ambaye alitupeleka Munich na kutupatia heshima mitaani.

Embu mwangalie huyu mmoja wa mashabiki wa Chelsea alichokifanya kwenye mchezo huo.
Kuanzia leo mpaka siku ya mchezo wa raundi ya 16-bora itakayochezwa tarehe 20-Februari ambapo Chelsea itapambana dhidi ya Barcelona nitakuwa nakuletea mfululizowa video za mashabiki wa Chelsea walichokifanya siku hiyo ya fainali jijini Munich...