Chelsea yabadili mawazo kwa Morata

Chelsea inataka kukiimarisha kikosi chake kabla ya kuanza kwa msimu mpya huku ikitazamia kujiimarisha vyema kwenye safu ya ushambuliaji iliyoonekana kushindwa kutimiza majukumu yake kwa msimu uliopita huku nyota wake aliyesajiliwa akitokea Real Madrid ya nchini Hispania, Alvaro Morata akifunga magoli 15 tu katika michuano yote kwa msimu mzima.

Hii ilisababisha kuzuka kwa taarifa zinazodai Chelsea ipo mbioni kumsaka mshambuliaji mpya atakayezima makosa ya mhispania huyo huku klabu ya Juventus ikija na ofa ya kumtaka mchezaji huyo kwa mabadilishano ya kuwa tayari kumruhusu mshambuliaji wake, Gonzalo Higuain ajiunge na Chelsea.

Klabu hiyo inatajwa kukubali kumuachia mshambuliaji huyo raia wa Argentina ili ajiunge na Chelsea wakati wao.wakimtaka Morata kama mabadilishano biashara ambayo Chelsea inatajwa kuikataa.

Chelsea inatajwa kutokua tayari kumruhusu nyota wake huyo aweze kujiunga na klabu hiyo huku akiwa ametumia msimu mmoja tu toka Chelsea ilipokamilisha uhamisho wake wa paundi milioni 60 toka nchini Hispania ambako huko alikuwa akitumika kama mshambuliaji chaguo la pili.