Kocha wa Chelsea aondoka rasmi

Kocha wa kikosi cha vijana wenye umri chini ya miaka 18 wa Chelsea, Jody Morris jana aliachana rasmi na kikosi hicho cha vijana na kujiunga na klabu inayoshiriki ligi daraja la kwanza nchini Uingereza (Championship), klabu ya Derby County ambayo anaungana nayo kama kocha msaidizi.

Aliichezea Chelsea michezo 170 kabla ya kurejea akiwa kama kocha msaidizi wa kikosi hicho cha vijana wenye umri chini ya miaka 18 kwa miaka miwili kabla ya kuchaguliwa kuwa kocha mkuu wa kikosi hicho akishinda mataji kibao kwa kuifundisha klabu hiyo ya vijana ambayo ameifundisha kwa miaka miwili akiwa kama kocha mkuu mpaka hii leo anapotakiwa kujiunga na Derby County akiwa kama kocha msaidizi wa gwiji na nyota wa zamani wa Chelsea, Frank Lampard.

Lampard alichaguliwa kuwa kocha mkuu wa kikosi cha Derby County ambapo alichaguliwa kuwa kocha mkuu ambapo alimchagua Jody Morris kuwa kocha msaidizi.

Katika msimu huu wa mwisho kwa kocha huyo klabuni Chelsea ameisaidia klabu hiyo ya vijana kushinda mataji manne kati ya matano ambalo taji hilo la tano alimaliza kama mshindi wa pili akipoteza kwenye fainali ya klabu bingwa Ulaya kwa vijana ambapo alipoteza mbele ya Barcelona.

Kwaheri kocha wetu..