Chelsea yafikia makubaliano na Blanc, lakini bado ipo na Sarri

Bado hali ni tete pale klabuni Chelsea ambapo makocha wengi wanatajwa kurithi nafasi ya kocha wa klabuni hapo kwa sasa, Antonio Conte ambaye ameifundisha klabu hiyo kwa misimu miwili huku akiisaidia kushinda mataji mawili ambayo ni la ligi kuu Uingereza pamoja na taji la kombe la FA.

Gazeti la nchini Italia, gazeti la SportItalia limeripoti habari ikisema Chelsea imefikia makubaliano ya mahitaji binafsi na kocha wa zamani wa timu ya taifa ya Ufaransa, Laurent Blanc ambaye pia aliwai kuifundisha klabu ya PSG ingawa linaripoti pia kuwa Chelsea bado inamtaka kocha wa zamani wa klabu ya Napoli, Maurizio Sarri.

Gazeti hilo linaitaja Chelsea kutamani kumchukua kocha huyo ambaye ilidaiwa imeachana naye huku sababu inayotajwa ni kutotaka kutoa kiasi cha paundi milioni 7 ili kumnasa muitalia huyo dau ambalo klabu hiyo inalihitaji ili iweze kumruhusu kuondoka klabuni hapo.

Taarifa zinadai uongozi wa Chelsea umepanga kufanya mazungumzo na rais wa klabu hiyo, Aurelio De Laurentiis ili aweze kupunguza dau hilo ambalo Chelsea inaona ni dau kubwa.