Moses ashindwa kuisaidia Nigeria

Kikosi cha timu ya taifa ya Nigeria kimeshindwa kupata ushindi katika mchezo wa kirafiki wa kujiandaa na kombe la dunia waliocheza hii leo wakipoteza mbele ya timu ya taifa ya Jamhuri ya Czech kwa goli 1-0.

Goli la Jamhuri ya Czech lilifungwa na mlinzi wa Chelsea aliyeichezea kwa mkopo klabu ya Fulham kwa misimu miwili, Tomas Kalas ambaye alifanikiwa kufunga goli hilo la pekee katika dakika ya 25 wakati kwa upande wa kikosi cha Nigeria nyota wa Chelsea, Victor Moses alipata nafasi ya kucheza kwenye mchezo huo wakati kwa makinda wa Chelsea kwenye timu hiyo ya taifa, Keneth Omeruo na Ola Aina wakiachwa kama wachezaji wa akiba.

Lakini pia mchezaji wa zamani wa Chelsea, John Obi Mikel alikuwepo kwenye mchezo huo.

Usiku wa leo pia kutakuwa na mchezo mwengine wa kirafiki utakaowahusisha nyota wa Chelsea ambao watashuka uwanjani kucheza mchezo wa kirafiki wa kujiandaana kombe la dunia. Eden Hazard,Thibaut Courtois na Michy Batshuayi watakuwa uwanjani kuiongoza timu yao ya taifa ya Ubelgiji kucheza dhidi ya Hungary.