Rasmi; Eni Aluko atimkia nchini Italia

Nyota na gwiji wa kikosi cha wanawake wa Chelsea maarufu kama Chelsea FC Women, Eni Aluko amekamilisha usajili wake wa kujiunga na klabu mabingwa wa ligi kuu ya nchini Italia kwa upande wa wanawake, Juventus.

Nyota huyo raia wa Uingereza mwenye asili ya Afrika amekamilisha usajili wake huo wa kujiunga na klabu hiyo mara baada ya kuichezea Chelsea FC Women kwa miaka sita huku akifanikiwa kutamba na kikosi cha timu ya Uingereza ambayo aliisaidia kushinda nafasi ya tatu kwenye kombe la dunia kwa wanawake.

Enialo Aluko ambaye ameiongoza Chelsea FC Women kushinda taji la kombe la ligi kuu kwa wanawake maarufu kama FA WSL ambapo kikosi hicho hakikupoteza mchezo hata mmoja wakati pia akishinda taji la kombe la FA amejiunga na klabu hiyo ambayo imeanzishwa kwa mwaka mmoja uliopita na kufanikiwa kuwa mabingwa katika msimu wake wa kwanza.