RLC arejea uwanjani, leo ameshuka dimbani

Wakati nyota wenzake wa kikosi cha wakubwa wakiwa mapumzikoni kwenye likizo ya majira ya baridi ya ligi kuu Uingereza, nyota wa Chelsea, Ruben Loftus-Cheek leo alikuwa uwanjani akicheza mchezo wa kirafiki kabla ya kurejea kwenye kikosi cha wakubwa.

Mechi ya kirafiki iliyochezwa kwenye viwanja vya mazoezi vya Cobham ilimpa nafasi Loftus-Cheek kucheza mechi ya kujiweka sawa na kuwaongoza kikosi cha vijana cha Chelsea kucheza dhidi ya Brentford B kwenye mchezo wa kufungwa geti (mashabiki hawakuruhusiwa kuingia) ambapo uliisha kwa Chelsea kupoteza 2-0.

Loftus-Cheek alicheza kwa dakika 60, zikiwa ni dakika zake za kwanza uwanjani toka alipoumia miezi tisa iliyopita.

Billy Gilmour pia alikuwa sehemu ya mechi hiyo.